யாழ்ப்பாணத்தில் உள்ள சில பிரபல தனியார் விடுதிகளின் பெயர்களைப் பயன்படுத்தி, ஒரு மோசடிக் கும்பல் பாரிய பண மோசடிகளில் ஈடுபட்டு வருவதாகத் தகவல்கள் வெளியாகியுள்ளன. இந்த புதுமையான மோசடி மக்களை ஏமாற்றி பணம் பறித்து வருகிறது.
இந்தக் கும்பல் சமூக வலைத்தளங்களான வாட்ஸ்அப், வைபர், ஃபேஸ்புக் மற்றும் பல்வேறு இணையத்தளங்கள் ஊடாக விளம்பரங்களை வெளியிட்டு வருகிறது. அவற்றில், யாழ்ப்பாணத்தில் உள்ள குறிப்பிட்ட விடுதிகளில் பெண்களுடன் உல்லாசமாக இருக்க முடியும் என்றும், அதற்கு 10 ஆயிரம் ரூபாய் முதல் 20 ஆயிரம் ரூபாய் வரை செலவாகும் என்றும் கூறுகின்றனர். மேலும், சில பெண்களின் முகங்கள் மறைக்கப்பட்ட புகைப்படங்களையும் விளம்பரமாகப் பிரசுரித்து மக்களை நம்ப வைக்கின்றனர்.
இந்த விளம்பரங்களை நம்பி பலர் அவற்றில் உள்ள தொலைபேசி இலக்கங்களுக்குத் தொடர்புகொண்டு விபரங்களைக் கேட்கின்றனர். அப்போது, குறிப்பிட்ட தனியார் விடுதியில் பெண் தயாராக இருப்பதாகக் கூறி, பணத்தை ஒரு வங்கிக் கணக்கில் வைப்பிலிடுமாறு மோசடிக் கும்பல் கோரி பணத்தைப் பெற்றுக்கொள்கிறது.
பணத்தை வைப்பிலிட்டவர்கள் அந்த விடுதிகளுக்குச் சென்று விசாரித்த பின்னரே தாம் ஏமாற்றப்பட்ட விடயத்தை அறிகின்றனர். அதன் பின்னர், அவர்கள் மீண்டும் தொடர்பு கொள்ள முயன்றால், பணத்தைப் பெற்ற அந்தத் தொலைபேசி இலக்கம் செயலிழந்து காணப்படுகிறது.
இந்த மோசடி குறித்து பாதிக்கப்பட்டவர்கள் பொலிஸ் நிலையங்களில் முறைப்பாடு செய்யத் தயங்குவதால், இந்தக் கும்பல் தொடர்ந்து பண மோசடிகளில் ஈடுபட்டு வருவதாகக் கூறப்படுகிறது. தங்கள் தனிப்பட்ட விவகாரங்கள் வெளியே தெரிந்துவிடுமோ என்ற அச்சமே முறைப்பாட்டைத் தவிர்க்க முக்கிய காரணமாக உள்ளது.
அதேவேளை, இந்தக் கும்பல்கள் சமூக வலைத்தளங்களில் யாழில் உள்ள பிரபல தனியார் தங்குமிட விடுதிகளின் பெயர்களைப் பாவித்து மோசடிகளில் ஈடுபடுவதால், குறிப்பிட்ட அந்தத் தங்குமிடங்களின் நற்பெயர்களுக்குக் களங்கம் ஏற்படுவதாக அவற்றின் உரிமையாளர்கள் கவலை தெரிவித்துள்ளனர்.
எனவே, பொலிஸார் இவ்வாறான சமூக வலைத்தள விளம்பரங்கள் தொடர்பில் உடனடியாகக் கவனம் செலுத்தி, இந்த மோசடிக் கும்பலைச் சேர்ந்தவர்களைக் கைது செய்ய நடவடிக்கை எடுக்க வேண்டும் எனவும் விடுதி உரிமையாளர்கள் கோரிக்கை விடுத்துள்ளனர்.
A new type of large-scale financial fraud is reportedly taking place in Jaffna, where a gang is using the names of prominent private hotels and guesthouses on social media platforms (WhatsApp, Viber, Facebook, etc.) to deceive the public. The gang advertises services with women, using obscured photos, and asks for advance payments ranging from Rs. 10,000 to Rs. 20,000 by directing victims to deposit money into a bank account. Victims realize they have been cheated only after visiting the supposed hotels, following which the contact numbers become inactive. The scam continues because victims are hesitant to file police reports. Hotel owners are concerned that their reputation is being damaged by the misuse of their names and have urged the police to take immediate action to arrest the perpetrators.
