ரூபாய் 30 கோடிக்கும் அதிக மதிப்புள்ள கஜமுத்துக்களின் தொகுதியுடன் ஒருவர் சந்தேகநபராக மகியங்கனை ஆதிவாசி கிராமத்தில் வைத்து வனவிலங்கு அதிகாரிகளால் கைது செய்யப்பட்டுள்ளார்.
நேற்று (17) வில்பத்து, ரிடிகல மற்றும் மகியங்கனை வனவிலங்கு அதிகாரிகள் ஒன்றாக இணைந்து மேற்கொண்ட நடவடிக்கையின் மூலமாக இந்தச் சந்தேகநபர் பிடிபட்டுள்ளார்.
பாதுகாப்புப் பிரிவினருக்குக் கிடைத்த புலனாய்வுத் தகவல்களின் அடிப்படையில், பல மாதங்களாக நடத்தப்பட்ட தீவிர விசாரணையின் பின்னரே இந்தச் சந்தேகநபர் கைது செய்யப்பட்டதாக வனவிலங்கு அதிகாரிகள் தெரிவித்துள்ளனர். ஒரே இடத்தில் இருந்து நாட்டிலேயே கைப்பற்றப்பட்ட மிகப்பெரிய கஜமுத்துத் தொகுதி இதுதான் எனவும் அவர்கள் மேலும் குறிப்பிட்டுள்ளனர்.
சம்பவ இடத்தில் இருந்து 30 கஜமுத்துக்கள், சிறுத்தையின் தோலின் பாகங்கள், யானைத் தந்தத்தின் சில பகுதிகள், சிறுத்தையின் எண்ணெய், கருங்காலி மரத்தின் பகுதிகள், உள்நாட்டில் தயாரிக்கப்பட்ட துப்பாக்கி ஒன்றையும், விலங்குகளைப் பிடிக்கப் பயன்படும் பொறிகள் மற்றும் வனவிலங்கு மற்றும் தாவரங்கள் கட்டளைச் சட்டத்தின் கீழ் மிகக் கடுமையாகப் பாதுகாக்கப்பட்ட தாவரமான தம்பு (Dambu) தாவரத்தின் பாகங்களையும் அதிகாரிகள் கைப்பற்றியுள்ளனர்.
நடத்தப்பட்ட விசாரணையின் மூலம், இந்தக் கைது செய்யப்பட்ட சந்தேகநபர் யானைத் தந்தங்களைப் பயன்படுத்திப் பல்வேறு கலைப் பொருட்களைத் தயாரித்து நீண்ட காலமாக இந்தக் கடத்தல் செயலில் ஈடுபட்டு வந்தது தெரியவந்துள்ளது.
கைது செய்யப்பட்ட சந்தேகநபர் வனவிலங்கு அதிகாரிகளின் பொறுப்பில் வைத்து விசாரணைகள் நிறைவடைந்த பின்னர் நீதிமன்றத்தில் விரைவில் ஆஜர்படுத்தப்படவுள்ளார்.
Wildlife officials, following a multi-month investigation based on intelligence, have arrested a suspect in the Mahiyanganaya indigenous village and recovered the largest single haul of elephant pearls (Gajamuthu) in the country, valued at over 300 million rupees. Officials also seized leopard skin parts, elephant tusk parts, leopard oil, ebony wood, a locally manufactured firearm, animal traps, and parts of the highly protected Dambu plant. Investigations revealed the suspect had been long involved in smuggling, manufacturing various artifacts using elephant tusks. The suspect will be produced in court after further questioning.
