திருகோணமலை முத்து நகர் பகுதியில் 42 நாட்களான சிசு உயிரிழந்தமை தொடர்பில் சீனக்குடா பொலிஸார் விசாரணைகளை ஆரம்பித்துள்ளனர்.
இந்தச் சம்பவம் முத்து நகர் பகுதியில் நேற்று (11) இடம்பெற்றுள்ளது. குழந்தை பிறந்து 42 நாட்களே ஆன நிலையில், இரவில் குழந்தைக்குப் பால் கொடுத்துவிட்டுத் தாய் படுக்கை அறையில் உறங்கிக் கொண்டிருந்தார். நேற்று (11) அதிகாலை அவர் சிசுவைப் பார்த்தபோது, அது உயிரிழந்த நிலையில் இருந்ததாக ஆரம்ப கட்ட விசாரணையின் மூலம் தெரியவந்துள்ளது.
சிசுவுக்கு எக்கோ பரிசோதனை
உயிரிழந்த சிசுவின் ஜனாஸாவை நல்லடக்கம் செய்ய பெற்றோர் முற்பட்டபோது, அதனைக் கைப்பற்றிய சீனக்குடா பொலிஸார், சிசுவின் உடலைத் திருகோணமலை பொது வைத்தியசாலையின் சட்ட வைத்திய நிபுணரின் அறிக்கைக்காக ஒப்படைத்துள்ளனர்.
விசாரணையின்போது, சிசுவை எக்கோ பரிசோதனைக்காக எதிர்வரும் 13ஆம் திகதி திருகோணமலை பொது வைத்தியசாலைக்குக் கொண்டு வருமாறு மருத்துவர்கள் தமக்குக் கூறியிருந்ததாகப் பெற்றோர்கள் பொலிஸாரிடம் தெரிவித்துள்ளனர்.
எவ்வாறாயினும், சிசுவின் மரணம் தொடர்பில் மேலதிக விசாரணைகளைத் தாம் தீவிரமாக முன்னெடுத்து வருவதாகச் சீனக்குடா பொலிஸார் தெரிவித்தனர்.
The China Bay Police have initiated an investigation into the mysterious death of a 42-day-old infant in Muthunagar, Trincomalee, which occurred on the 11th. Initial inquiries suggest the mother found the child deceased in the bedroom early that morning after feeding it the night before. Although the parents attempted to bury the body, the police intervened and sent the remains to the Trincomalee General Hospital for a medical expert’s report. The parents informed the police that doctors had previously advised them to bring the infant for an echo scan on the 13th. The China Bay Police confirmed they are continuing with their inquiries into the cause of death.
