சிவகார்த்திகேயன் நடிப்பில் கடந்த அக்டோபர் 31ஆம் தேதி வெளியான அமரன் திரைப்படம், வெளியானதிலிருந்து நல்ல விமர்சனங்களையும் வரவேற்பையும் பெற்றது. இந்த திரைப்படம் சிவகார்த்திகேயனின் கெரியரில் புதிய உச்சமாக, உலகளவில் 300 கோடிக்கும் அதிகம் வசூலித்து மாபெரும் சாதனை படைத்துள்ளது.
ராஜ்குமார் பெரியசாமி இயக்கிய இப்படம், இந்திய வீரர் மேஜர் முகுந்த் வரதராஜனின் வாழ்க்கையை அடிப்படையாகக் கொண்டது. இதில் சாய் பல்லவி, மேஜரின் மனைவி இந்து ரோலில் நடித்து பாராட்டுக்களை பெற்றார்.
கேரளாவில் மட்டும் அமரன் படம் 13.85 கோடி ரூபாய் வசூலித்து, விஜய்யின் GOAT படத்தின் கேரள வசூலை முறியடித்துள்ளது. விஜய்க்கு கேரளாவில் மிகப்பெரிய ரசிகர் கூட்டம் இருந்தாலும், சிவகார்த்திகேயன் இந்த சாதனை மூலம் ஒரு புதிய மைல்கல்லை எட்டியுள்ளார்.
