கனடாவில் இருந்து இலங்கைக்கு வந்த பார்சலில் பதிந்திருந்த மர்மமான பொருட்கள் வவுனியா நபரை சிக்கவைத்துள்ளது.

கனடாவில் இருந்து இலங்கைக்கு அனுப்பப்பட்ட கொள்கலனில் இருந்த பார்சலில் கஞ்சா அடங்கிய 20 டின்களை இலங்கை சுங்க அதிகாரசபை கண்டுபிடித்துள்ளது.

கடந்த 4ஆம் திகதி வந்த இந்த கொள்கலன், இரகசிய தகவலின் அடிப்படையில் சோதனைக்கு உட்படுத்தப்பட்டதாக சுங்க ஊடக செயலாளர் மேலதிக பணிப்பாளர் நாயகம் சிவலி அருக்கொட தெரிவித்தார்.

களுத்துறை மற்றும் வவுனியாவைச் சேர்ந்த முகவரிகளுக்கு அனுப்பப்பட்ட பார்சல்களில் கஞ்சா கண்டுபிடிக்கப்பட்டது.

• களுத்துறைக்கு வந்த பார்சலின் எடை 5,324 கிராம் ஆகும், இதன் மதிப்பு ரூ. 31,994,000 ஆகும்.
• வவுனியாவுக்கு வந்த பார்சல் 1,755 கிராம் எடையுடையது, இதன் மதிப்பு ரூ. 10,530,000 என போதைப்பொருள் கட்டுப்பாட்டு பிரிவு அறிக்கையளித்துள்ளது.

போதைப்பொருள் கையிருப்பு மேலதிக விசாரணை மற்றும் சட்ட நடவடிக்கைகளுக்காக பொலிஸ் போதைப்பொருள் ஒழிப்பு பணியகத்திடம் ஒப்படைக்கப்பட்டுள்ளது.