கண்டி, நாவலப்பிட்டி அங்காடி வளாகத்தின் இரண்டாவது மாடியில் உள்ள தங்கக் கடை மற்றும் தங்க அடகு கடைக்குள் புகுந்து 3.5 மில்லியன் ரூபாவுக்கு மேல் மதிப்புள்ள தங்க ஆபரணங்கள் மற்றும் பொருட்களைத் திருடியதாகக் கூறப்படும் சந்தேக நபர் ஒருவரைக் கைது செய்துள்ளதாக நாவலப்பிட்டி பொலிஸார் தெரிவித்தனர்.
கைது செய்யப்பட்டவர் கஹடகஸ்திகிலிய பொலிஸ் பிரிவில் குற்றவாளிகள் பட்டியலில் உள்ளவர். நாவலப்பிட்டியில் உள்ள பிரபலமான பூக்கடையில் ஓட்டுநராகப் பணியாற்றிய இவர், போதைப்பொருள் மற்றும் பந்தயத்திற்கு அடிமையானவர் என்று கூறப்படுகிறது.
நிகினி போயா தினத்தின் அதிகாலையில், சந்தேக நபர் குறித்த தங்கக் கடைக்குள் நுழைந்து தங்க நகைகள், கைபேசி, மடிக்கணினி மற்றும் பிற மின்னணுப் பொருட்களைத் திருடியுள்ளார். இவற்றின் மொத்த மதிப்பு கிட்டத்தட்ட 3.5 மில்லியன் ரூபா என மதிப்பிடப்பட்டுள்ளது.
சந்தேகநபர் திருடிய பொருட்களுடன் நாவலப்பிட்டி, ஹோல்கம பகுதியில் உள்ள தனது நண்பரின் வீட்டிற்குச் சென்றுள்ளார்.
பின்னர், நண்பருடன் சேர்ந்து கடைக்குத் திரும்பி, அங்கு இருந்த பாதுகாப்பு கேமராவின் தரவு சேமிப்பு சாதனத்தை அகற்றி, நாவலப்பிட்டி, பவ்வாகம பகுதியில் உள்ள மகாவலி ஆற்றில் வீசியுள்ளார்.
அதன் பிறகு, மல்லந்த பகுதியைச் சேர்ந்த மற்றொரு நண்பருடன் சேர்ந்து, கஹடகஸ்திகிலிய, மிஹிந்தலை, கண்டி, கம்பளை, கினிகத்தேன மற்றும் நாவலப்பிட்டி ஆகிய இடங்களில் உள்ள அடகுக்கடைகளில் திருடப்பட்ட நகைகளை அடகு வைத்துப் பணம் பெற்றுள்ளனர்.
அந்தப் பணத்தில் பிரதான சந்தேகநபர் 500,000 ரூபா மதிப்புள்ள பயன்படுத்தப்பட்ட மோட்டார் சைக்கிள் ஒன்றை வாங்கியுள்ளார்.
மீதமுள்ள பணத்தை மற்ற இருவருக்கும் கொடுத்ததோடு, மது அருந்தவும், மசாஜ் நிலையங்களுக்குச் செல்லவும், தனது கள்ளக்காதலிக்குப் பணம் கொடுக்கவும் பயன்படுத்தியதாக முதற்கட்ட விசாரணையில் தெரியவந்துள்ளது.
இந்தத் திருட்டு தொடர்பாக பொலிஸாருக்குக் கிடைத்த முறைப்பாடுகளை அடுத்து நடத்தப்பட்ட விரிவான விசாரணையில் இந்தச் சந்தேகநபர் அடையாளம் காணப்பட்டுள்ளார்.
மேலும், கடந்த மூன்று மாதங்களில் நாவலப்பிட்டி நகரில் உள்ள மத வழிபாட்டுத் தலங்கள், கடைகள் மற்றும் வீடுகளில் பல கொள்ளை சம்பவங்களை இந்தச் சந்தேகநபர்கள் மேற்கொண்டுள்ளனர் என்பதும் தெரியவந்துள்ளது.
Police in Nawalapitiya have arrested a suspect in connection with the theft of gold jewelry and other valuables worth over 3.5 million rupees from a gold shop and pawnshop. The suspect, a known offender in the Kahatagasdigiliya police division and an employee at a local flower shop, allegedly broke into the stores and stole gold jewelry, a mobile phone, and a laptop. He later removed the security camera’s data storage device and threw it into the Mahaweli River. Investigations revealed that the stolen gold was pawned at multiple locations, and the suspect used the proceeds to buy a motorbike, give money to his accomplices, and spend on alcohol and other personal expenses. The suspects have been linked to numerous other robberies in the Nawalapitiya area over the past three months.
