குளியாப்பிட்டி, வில்பொல பாலம் அருகே இன்று (27) காலை நடந்த கோரமான வாகன விபத்தில் இரண்டு பாடசாலை மாணவர்கள் உட்பட மூன்று பேர் உயிரிழந்துள்ளனர். ஒரு பாடசாலை வேனும் டிப்பர் லாரியும் நேருக்கு நேர் மோதிக்கொண்டதால் இந்த விபத்து ஏற்பட்டதாக பொலிஸார் தெரிவித்தனர். விபத்தில் மேலும் 13 பேர் காயமடைந்துள்ளனர்.
சம்பவம் நடந்த இடத்தில் இருந்த ஒருவர் விபத்து குறித்து பேசும்போது, “நான் ஒரு முச்சக்கரவண்டியில் இருந்தேன். அப்போது வேனும் டிப்பரும் மோதியதை என் கண்ணால் கண்டேன். வேனில் சுமார் 7 அல்லது 8 மாணவர்கள் இருந்தனர். நாங்கள் காயமடைந்தவர்களை வெளியேற்றி வேறு வாகனங்களில் ஏற்றி மருத்துவமனைக்கு அனுப்பி வைத்தோம். வேனின் சாரதி சம்பவ இடத்திலேயே உயிரிழந்ததுடன், இரண்டு மாணவர்களும் உயிரிழந்து காணப்பட்டனர். காயமடைந்த அனைவரையும் எங்களால் முடிந்த அளவு வாகனங்களில் ஏற்றி அனுப்பினோம். ஒரு பிள்ளை மட்டும் நல்ல நிலையில் இருந்தது,” என்று கூறினார்.
A horrific accident between a school van and a tipper truck near the Wilpola Bridge in Kuliyapitiya resulted in the death of three people, including two school students, and injured 13 others. An eyewitness described how community members helped transport the injured to the hospital.