குளியாப்பிட்டி, விலபொல சந்தியில் இரண்டு பாடசாலை மாணவிகள் உட்பட மூன்று பேரின் உயிரிழப்புக்குக் காரணமான விபத்து தொடர்பாகக் கைது செய்யப்பட்ட டிப்பர் வாகனத்தின் சாரதி விளக்கமறியலில் வைக்கப்பட்டுள்ளார்.
நேற்று (27) காலை விலபொல சந்தியில் உள்ள பல்லேவெல பாலத்தில் டிப்பர் வாகனமும் பாடசாலை வேனும் மோதியதில் ஏற்பட்ட இந்த விபத்தில், மூன்று பேர் உயிரிழந்ததோடு, 13 பாடசாலை மாணவிகள் காயமடைந்தனர்.
இந்தச் சம்பவம் தொடர்பாகக் குளியாப்பிட்டி பொலிஸாரால் கைது செய்யப்பட்ட டிப்பர் சாரதி, இன்று குளியாப்பிட்டி நீதவான் ரந்திக லக்மல் ஜயலத் முன்னிலையில் ஆஜர்படுத்தப்பட்டார்.
இதன்போது, நீதிமன்றத்தில் முன்வைக்கப்பட்ட சமர்ப்பணங்களை ஆராய்ந்த நீதவான், சந்தேகநபரான சாரதியை எதிர்வரும் செப்டெம்பர் மாதம் 8ஆம் திகதி வரை விளக்கமறியலில் வைக்க உத்தரவிட்டார்.
அத்துடன், குறித்த சாரதி 24 மணி நேரத்திற்கும் மேலாகத் தூக்கமின்றி வாகனம் ஓட்டியுள்ளதாக பொலிஸார் நீதிமன்றத்தில் தெரிவித்தனர்.
இதனடிப்படையில், எதிர்காலத்தில் குறித்த டிப்பர் வாகனத்தின் உரிமையாளருக்கு எதிராகத் தேவையான சட்ட நடவடிக்கை எடுக்கப்படும் என்று நீதிமன்றத்தில் தெரிவிக்கப்பட்டது.
The driver of a tipper truck involved in a fatal accident in Kuliyapitiya, which killed three people, including two schoolgirls, has been remanded until September 8. The accident occurred when the tipper truck collided with a school van, injuring 13 other students. Police informed the court that the driver had been driving for over 24 hours without sleep, and a court order has been issued to take legal action against the truck’s owner as well.
