கொழும்பின் பொரளைப் பகுதியில் திடீரென வீதி உள்வாங்கியதால் கடும் போக்குவரத்து நெரிசல் ஏற்பட்டது. மொடல் பார்ம் சந்தியில் இருந்து டி.எஸ். சேனநாயக்க சந்தி வரை கொழும்பை நோக்கிச் செல்லும் வீதியின் ஒரு பகுதி தாழிறங்கியுள்ளது.
இதனால், கொழும்பு நோக்கிச் செல்லும் வாகனங்கள் மாற்று வழிகளைப் பயன்படுத்துமாறு பொலிஸார் கேட்டுக்கொண்டனர்.
மொடல் பார்ம் சந்தி வழியாக கொழும்புக்குள் நுழையும் வாகனங்கள், பொரளை மயானம் வழியாக பேஸ்லைன் வீதிக்குள் நுழையலாம்.
இதேவேளை, ராஜகிரியவிலிருந்து கொழும்புக்குள் வரும் வாகனங்கள் கொட்டாவ வீதி வழியாக ஆயுர்வேத சுற்றுவட்டாரத்திற்குச் செல்ல முடியும்.
கொழும்பிலிருந்து ஸ்ரீ ஜெயவர்தனபுர வீதிக்குச் செல்லும் வாகனங்கள், டி.எஸ். சேனநாயக்க சந்திப்பில் திரும்பி, கொட்டாவ வீதி வழியாகப் பயணிக்கலாம் எனப் பொலிஸார் அறிவித்தனர்.
