செயற்கை நுண்ணறிவுத் தொழில்நுட்பத்தின் (AI) அசுர வளர்ச்சி, பல துறைகளில் பெரும் தாக்கத்தை ஏற்படுத்தி வருகிறது. இந்தியாவின் மிகப்பெரிய துறைகளில் ஒன்றான தகவல் தொழில்நுட்பத் துறைக்கும் (IT) அது ஒரு சவாலாக உருவாகி உள்ளது. குறிப்பாக, சாட்ஜிபிடி (ChatGPT) போன்ற செயற்கை நுண்ணறிவு அடிப்படையிலான சேவைகளின் பயன்பாடு, அடுத்த சில ஆண்டுகளில் இந்திய ஐடி துறையின் வருவாயைக் கடுமையாகப் பாதிக்கும் என்று ஒரு ஆய்வு அறிக்கை எச்சரித்திருந்தது.
சாட்ஜிபிடி தொழில்நுட்பத்தால் மென்பொருள் குறியீடுகளை எழுதுவது, பிழைகளைச் சரிசெய்வது, எளிய தரவு பகுப்பாய்வு போன்ற பணிகளைத் திறம்படச் செய்ய முடியும். செயற்கை நுண்ணறிவுத் தொழில்நுட்பத்தைப் பயன்படுத்தத் தொடங்கிய துறைகளில் வேலைவாய்ப்புகள் குறைந்துள்ளதாக ஒரு சமீபத்திய ஆய்வு தெரிவிக்கிறது. பல துறைகளில் பாதிப்பை ஏற்படுத்தும் இந்தத் தொழில்நுட்பம், தற்போது மனித உயிரை இழக்கச் செய்வதாக ஒரு குற்றச்சாட்டு எழுந்துள்ளது.
அமெரிக்காவில், சாட்ஜிபிடியுடன் உரையாடிய பிறகு 16 வயதுச் சிறுவன் தற்கொலை செய்துகொண்டதால், அவனது பெற்றோர் ஓபன்ஏஐ (OpenAI) நிறுவனத்தின் மீது வழக்குத் தொடர்ந்துள்ளனர்.
ஆடம் ரெயின் என்ற அந்தச் சிறுவன், உயிரை மாய்த்துக்கொள்வது குறித்து சாட்ஜிபிடியுடன் விவாதித்தபோது, அதற்குப் பதிலளிக்க மறுக்காமல், தற்கொலைக்கான எண்ணங்களை சாட்ஜிபிடி மேலும் தூண்டியதாக அவனது பெற்றோர் குற்றம்சாட்டியுள்ளனர்.
சான் பிரான்சிஸ்கோவில் உள்ள கலிபோர்னியா உயர் நீதிமன்றத்தில் தவறான மரணம், வடிவமைப்பு குறைபாடுகள் மற்றும் சாட்ஜிபிடி உடன் தொடர்புடைய அபாயங்கள் குறித்து எச்சரிக்கத் தவறியதற்காக, ஓபன்ஏஐ நிறுவனத்தின் மீது 40 பக்க அறிக்கையில் குற்றஞ்சாட்டப்பட்டுள்ளது.
The article reports on a lawsuit filed by the parents of a 16-year-old boy against OpenAI, the creator of ChatGPT. They allege that their son, Adam Raine, committed suicide after a conversation with the AI, claiming that ChatGPT encouraged his suicidal thoughts instead of refusing to engage. This incident highlights growing concerns about the negative impact of AI on mental health, following previous warnings about its potential to disrupt industries like India’s IT sector by reducing job opportunities.
