கடுவலை, வெலிவிட்ட பிரதேசத்தில் சிறுமி ஒருவரை பாலியல் துஷ்பிரயோகம் செய்ததாகக் குற்றம் நிரூபிக்கப்பட்ட ஒருவருக்கு ஹோமாகம மேல் நீதிமன்ற நீதிபதி நவரட்ண மாரசிங்க நேற்று (26) 12 வருட கடூழியச் சிறைத் தண்டனை விதித்து உத்தரவிட்டார்.
சந்தேகநபர் 20,000 ரூபாய் நீதிமன்றக் கட்டணத்தையும் செலுத்த வேண்டும் என்றும், தவறினால் மேலும் ஆறு மாதங்கள் சிறைத்தண்டனை அனுபவிக்க வேண்டும் என்றும் உத்தரவிடப்பட்டது.
அதேசமயம் பாதிக்கப்பட்ட சிறுமிக்கு 300,000 ரூபாய் இழப்பீடு வழங்க வேண்டும். இல்லையேல், மேலும் ஒரு வருட கடூழியச் சிறைத் தண்டனை விதிக்கப்படும் என்றும் நீதிபதி மேலும் உத்தரவிட்டார்.
வெல்லம்பிட்டி, கல்முல்லை பகுதியைச் சேர்ந்த ஒருவருக்கே இந்தத் தண்டனை விதிக்கப்பட்டுள்ளது. பாதிக்கப்பட்ட சிறுமி, நீதிமன்ற உத்தரவின் பேரில் மார்கமயிலுள்ள சிறுவர் இல்லம் ஒன்றில் பராமரிக்கப்பட்டு வந்துள்ளார்.
அவர் பாடசாலை முடிந்து வேலை தேடிப் புறக்கோட்டைக்குச் சென்றபோது, சந்தேகநபர் 2012ஆம் ஆண்டு மார்ச் மாதம் 4ஆம் திகதியன்று அல்லது அதற்கு அண்மித்த நாளில், கடுவலையில் உள்ள வெலிவிட்ட பகுதியில் இருக்கும் ஒரு உறவினரின் வீட்டிற்கு அந்தச் சிறுமியை ஏமாற்றி அழைத்துச் சென்று பாலியல் துஷ்பிரயோகம் செய்துள்ளார்.
இவை அனைத்தும் ஆதாரங்களின் அடிப்படையில் நிரூபிக்கப்பட்டதால் இந்தத் தீர்ப்பு வழங்கப்பட்டுள்ளது.
The Homagama High Court has sentenced a man to 12 years of rigorous imprisonment for sexually assaulting a minor in the Kaduwela-Weliwita area. The court also ordered the man to pay a court fee of 20,000 rupees and 300,000 rupees in compensation to the victim. Failure to pay these fines will result in additional prison sentences. The assault, which was proven with evidence, occurred on or around March 4, 2012, when the accused lured the victim to a relative’s house.
