பெயர் மற்றும் உற்பத்தியாளரின் விபரங்கள் குறிப்பிடப்படாத கிரீம் விற்பனை நிலைய உரிமையாளருக்கு அபராதம் கொழும்பு மேலதிக நீதவான் பவித்ரா சஞ்சீவனி பத்திரன, பெயர் மற்றும் உற்பத்தியாளரின் விபரங்கள் குறிப்பிடப்படாத கிரீம் வகைகளை விற்பனை செய்த விற்பனை நிலையத்தின் உரிமையாளருக்கு நேற்று புதன்கிழமை (10) 10 ஆயிரம் ரூபாய் அபராதம் விதித்து உத்தரவிட்டார்.
பாவனையாளர் அலுவல்கள் அதிகாரசபைக்கு கிடைத்த தகவலின் அடிப்படையில் மேற்கொள்ளப்பட்ட சுற்றிவளைப்பில் சந்தேகநபரான அந்த விற்பனை நிலையத்தின் உரிமையாளர் கைது செய்யப்பட்டு நீதிமன்றில் ஆஜர்படுத்தப்பட்ட போதே இந்த உத்தரவு பிறப்பிக்கப்பட்டுள்ளது.
இந்த விற்பனை நிலையம் கொழும்பு 11, புறக்கோட்டையில் அமைந்துள்ளது.
உற்பத்தியாளர் விபரங்கள், காலாவதி திகதி மற்றும் பெயர் குறிப்பிடப்படாத கிரீம்கள் மற்றும் அழகு சாதனப் பொருட்கள் குறித்து பாவனையாளர் அலுவல்கள் அதிகாரசபையின் 1977 என்ற அவசர தொலைபேசி எண்ணுக்கு தொடர்பு கொண்டு தகவல் தெரிவிக்கலாம்.
A fine of Rs. 10,000 was imposed on a shop owner in Colombo for selling cosmetic creams without details of the manufacturer or the product name. This action was taken by the Consumer Affairs Authority following a tip-off, and the fine was ordered by the Colombo Additional Magistrate. The authority has also asked the public to report similar illegal products by calling their hotline.
