யாழ்ப்பாணம் பருத்தித்துறைப் பகுதியில் உள்ள உணவகம் ஒன்றின் கழிவு நீரை வீதியில் வெளியேற்றிய குற்றச்சாட்டுக்காக, அந்த உணவகத்தின் உரிமையாளருக்கு 20 ஆயிரம் ரூபாய் அபராதம் விதிக்கப்பட்டுள்ளது.
குறித்த உணவகத்தின் உரிமையாளர், கழிவு நீரை முறையான கழிவு நீர் தொட்டியில் விடாமல், வெளிச் சூழலில் வெளியேற்றியுள்ளார்.
இது தொடர்பாக, உணவுக்கழிவுகளை முறையின்றி தேங்க அனுமதித்தமை, சுகாதாரச் சான்றிதழ் இல்லாமல் உணவுகளைக் கையாண்டமை உள்ளிட்ட பல குற்றச்சாட்டுக்களை முன்வைத்து, பருத்தித்துறை நகரசபையின் பொது சுகாதாரப் பரிசோதகர், பருத்தித்துறை நீதவான் நீதிமன்றத்தில் வழக்குப் பதிவு செய்தார்.
இந்த வழக்கு வியாழக்கிழமை (28) விசாரணைக்கு வந்தபோது, உணவக உரிமையாளர் தன் மீதான குற்றச்சாட்டுக்களை ஏற்றுக்கொண்டார்.
இதனையடுத்து, அவரை கடுமையாக எச்சரித்த நீதவான், 20 ஆயிரம் ரூபாய் அபராதம் விதித்து உத்தரவிட்டார்.
The owner of a restaurant in Jaffna’s Point Pedro has been fined 20,000 rupees for discharging wastewater onto the street. The fine was imposed after a case was filed by the Point Pedro Urban Council’s Public Health Inspector, who also accused the owner of allowing food waste to accumulate and handling food without a valid medical certificate. The owner pleaded guilty to the charges, leading to the court’s verdict and stern warning.
