யாழ்ப்பாணம் போதனா வைத்தியசாலையில் நேற்றுமாலை (19) இதயத்தை வருடும் அரிதான, பலரையும் வியக்க வைத்த ஒரு சம்பவம் நடைபெற்றது.
யாழ்ப்பாணம் போதனா வைத்தியசாலையில் நேற்றுமாலை நோயாளிகளைப் பார்வையிடும் நேரம் என்பதால், நோயாளிகளின் உறவினர்கள் பலர் வந்து சென்று கொண்டிருந்தனர். இந்தச் சந்தர்ப்பத்தில், 24ஆம் இலக்க விடுதியில் சிகிச்சை பெற்றுக்கொண்டிருந்த ஒரு நோயாளியைப் பார்ப்பதற்காக, அவருடைய வீட்டில் வளர்க்கப்பட்ட நாய் ஒன்று திடீரென வைத்தியசாலைக்குள் நுழைந்தது.
எந்தவிதக் குழப்பத்தையும் ஏற்படுத்தாமல், சத்தமில்லாமல் அமைதியாக படுக்கைகளுக்கு இடையில் நடந்து சென்ற அந்த நாய், இறுதியாக தன் உரிமையாளர் படுத்திருந்த படுக்கைக்கு அருகில் நேராகச் சென்று நின்றது. வாசனையின் மூலம் தனது எஜமானரை அடையாளம் கண்டுகொண்டு, கண்களில் பாசம் பொங்க அந்த நாய் அவரைப் பார்த்த தருணம் அங்கிருந்த அனைவரையும் வியக்க வைத்தது. தன் அன்பான செல்லப்பிராணியைப் பார்த்ததும் அந்த நோயாளி முகத்தில் மகிழ்ச்சி பொங்க சிரித்தார்.
அந்தச் சில நொடிகளே அந்த நோயாளிக்கு மிகப் பெரிய ஆறுதலைக் கொடுத்தது. இந்த நிகழ்வைக் கண்ட அருகில் இருந்தவர்கள், “மனிதர்களை விடவும் மிருகங்களின் பாசம் அதிகம்” என்று நெகிழ்ச்சியுடன் பேசிக்கொண்டனர். அந்த நாயின் அன்பும், விசுவாசமும், அதன் உரிமையாளர் மீது அது வைத்திருந்த பற்றும் அங்கிருந்த அனைவரின் மனதையும் உருக்கியது.
A rare and touching incident occurred at Jaffna Teaching Hospital when a dog, brought by a visitor, quietly entered a ward and went directly to its owner’s bedside. The dog’s affection and its owner’s happy reaction surprised everyone, with many remarking on the depth of the bond between humans and animals.
