ரயில் நிலைய அதிபர் பதவிகளுக்கான ஆட்சேர்ப்பு அறிவிப்பில் ஆண்கள் மட்டுமே விண்ணப்பிக்க முடியும் என வெளியிட்ட வர்த்தமானி அறிவிப்பு, திருத்தத்திற்காக அமைச்சரவைக்கு அனுப்பப்பட்டுள்ளதாகச் சட்டமா அதிபர் உயர் நீதிமன்றத்திற்கு அறிவித்துள்ளார்.
இந்த முடிவை எதிர்த்து தாக்கல் செய்யப்பட்ட அடிப்படை மனித உரிமை மனு, மூன்று நீதிபதிகள் அடங்கிய உயர் நீதிமன்ற அமர்வு முன் விசாரணைக்கு வந்தபோது, சட்டமா அதிபர் சார்பில் ஆஜரான சிரேஷ்ட அரச சட்டத்தரணி நயந்தாரா பாலபட்டபெந்தி இந்த தகவலைத் தெரிவித்தார்.
இந்த மனுவின் முன்னேற்றம் குறித்து அறிவிக்க மற்றொரு திகதியில் அழைக்குமாறு அரச சட்டத்தரணி கோரினார். அதன்படி, இந்த மனுவை எதிர்வரும் அக்டோபர் மாதம் 30ஆம் திகதி மீண்டும் விசாரணைக்கு எடுத்துக்கொள்ளுமாறு நீதிபதிகள் அமர்வு உத்தரவிட்டது.
சமீபத்தில் வெளியிடப்பட்ட வர்த்தமானி அறிவிப்பில், ஆண்கள் மட்டுமே இந்தப் பதவிக்கு விண்ணப்பிக்க முடியும் எனக் குறிப்பிடப்பட்டிருந்ததாக மனுதாரர்கள் குற்றம் சாட்டுகின்றனர். இதனால், தகுதிவாய்ந்த பெண்கள் இந்த பதவிக்கு விண்ணப்பிக்கும் வாய்ப்பை இழந்ததாகவும் அவர்கள் கூறுகின்றனர்.
மேலும், இந்த அறிவிப்பு தங்களின் அடிப்படை மனித உரிமைகளை மீறுவதாகத் தீர்ப்பளிக்குமாறும், பெண்களும் விண்ணப்பிக்க அனுமதிக்க வேண்டும் என ரயில்வே திணைக்களத்திற்கு உத்தரவிடுமாறும் மனுதாரர்கள் உயர் நீதிமன்றத்திடம் கோரிக்கை விடுத்துள்ளனர்.
The Attorney General’s office has informed the Supreme Court that the Gazette notification for the recruitment of railway station masters, which was initially restricted to male applicants, has been sent to the Cabinet for amendment. The decision came during a hearing on a fundamental rights petition filed by female applicants who claimed the restriction violated their rights. The court has scheduled the next hearing for October 30 to review the progress of the amendment.
