இரத்தினபுரி போதனா வைத்தியசாலையின் பணிப்பாளரின் நிர்வாக நடவடிக்கைகளுக்கு எதிர்ப்பு தெரிவித்து, அரச மருத்துவ அதிகாரிகள் சங்கம் இன்று (02) அடையாள வேலைநிறுத்தப் போராட்டத்தில் ஈடுபட தீர்மானித்துள்ளது.
இந்த விவகாரம் குறித்து நடவடிக்கை எடுப்பதாக சுகாதார அமைச்சு முன்பு உறுதியளித்த போதிலும், அதை நிறைவேற்றத் தவறிவிட்டதாக அரச மருத்துவ அதிகாரிகள் சங்கம் சுட்டிக்காட்டியுள்ளது.
எனவே, இன்று (02) காலை 8.00 மணி முதல் நாளை (03) காலை 8.00 மணி வரை 24 மணி நேர பணிநிறுத்தத்தை மேற்கொள்ள முடிவு செய்யப்பட்டுள்ளது.
வேலைநிறுத்தத்தின் போது வைத்தியசாலையில் அவசர மற்றும் உயிர்காக்கும் சிகிச்சைகள் தொடர்ந்து வழங்கப்படும். ஆனால், வழமையான சேவைகளான புறநோயாளர் பிரிவு (OPD) மற்றும் கிளினிக் சேவைகள் பாதிக்கப்படும் என சங்கம் தெரிவித்துள்ளது.
இதேவேளை, தமது பிரச்சினைகளுக்கு அதிகாரிகள் உரிய தீர்வு காணாவிட்டால் எதிர்காலத்தில் தொழிற்சங்க நடவடிக்கையில் ஈடுபடப் போவதாகப் பல்கலைக்கழக ஆசிரியர் சங்கங்களின் கூட்டமைப்பு தெரிவித்துள்ளது.
தமது பிரச்சினைகள் குறித்துப் பேச ஜனாதிபதியுடன் சந்திப்புக்கு வாய்ப்பு வழங்க வேண்டும் என கூட்டமைப்பின் செயலாளர் சாருதத்த இளங்கசிங்க கோரிக்கை விடுத்துள்ளார்.
The Government Medical Officers’ Association (GMOA) has launched a 24-hour token strike at the Ratnapura Teaching Hospital today in protest against the hospital’s director. The union stated that the Ministry of Health has failed to address their concerns despite a previous agreement. While emergency and life-saving services will continue, daily services like the OPD and clinics will be affected. Separately, the Federation of University Teachers’ Associations has threatened future union action if their issues are not addressed and has requested a meeting with the President.
