உலக அளவில் வேகமாக வளர்ந்துவரும் செயற்கை நுண்ணறிவு (AI) தொழில்நுட்பம், ஆண்களைக் காட்டிலும் பெண்களின் வேலைவாய்ப்பை அதிகமாகப் பாதிக்கும் என்று ஐக்கிய நாடுகள் சபை நடத்திய ஓர் ஆய்வில் தெரியவந்திருக்கிறது.
இந்த ஆய்வின்படி, உலகளவில் பணிபுரியும் ஆண்களில் 21% பேரின் வேலைவாய்ப்பு AI தொழில்நுட்பத்தால் பாதிக்கப்படும். ஆனால், பெண்களைப் பொறுத்தவரை, இந்த விகிதம் 28% ஆக இருக்கும் என்று அந்த ஆய்வு சுட்டிக்காட்டியுள்ளது.
பெண்களின் பொருளாதார சுதந்திரம் மற்றும் சமூகத்தில் அவர்களின் பங்களிப்பு ஆகியவற்றில் இந்த மாற்றம், பெரிய அளவில் எதிர்மறையான தாக்கத்தை ஏற்படுத்தக்கூடும் என்றும் ஆய்வு குறிப்பிடுகிறது.
பெரிய தொழில்நுட்ப நிறுவனங்கள் தொடர்ந்து ஊழியர்களைப் பணிநீக்கம் செய்துவரும் நிலையில், இந்த ஆய்வறிக்கை முக்கியத்துவம் வாய்ந்ததாகக் கருதப்படுகிறது. நிறுவனங்கள், AI தொழில்நுட்பம் காரணமாகப் பணிநீக்கம் செய்யவில்லை என்று வெளிப்படையாக அறிவித்தாலும், AI பயன்பாடுதான் இதன் பின்னணியில் உள்ள முதன்மையான காரணம் என்று பலரால் நம்பப்படுகிறது.
AI தொழில்நுட்பம், திரும்பத் திரும்பச் செய்யப்படும் பணிகளை எளிதாகச் செய்வதால், அத்தகைய பணிகளில் அதிக எண்ணிக்கையில் ஈடுபட்டுள்ள பெண்களுக்குப் பாதிப்பு அதிகம் இருக்கும் என்று எதிர்பார்க்கப்படுகிறது.
A United Nations study has revealed that the growing use of Artificial Intelligence (AI) technology will disproportionately impact women’s employment compared to men’s. The report indicates that while 21% of male jobs globally are at risk, this number rises to 28% for women. The study warns that this could have significant negative effects on women’s economic independence and social participation, especially in an era of mass tech layoffs.
