இங்கிலாந்தைச் சேர்ந்த 34 வயதான சார்லோட் என்ற பெண், தனது கணவர் மறைந்து இரண்டு ஆண்டுகளுக்குப் பிறகு குழந்தை பெற்ற சம்பவம் சமூக வலைத்தளங்களில் வைரலாகி வருகிறது. 2021-ஆம் ஆண்டு சாம் என்பவரைக் காதலித்துத் திருமணம் செய்துகொண்ட சார்லோட்டுக்கு, துரதிர்ஷ்டவசமாக அடுத்த ஆண்டே சோதனை ஏற்பட்டது. 2022-ஆம் ஆண்டு சாமுக்கு புற்றுநோய் இருப்பது கண்டறியப்பட்டது.
புற்றுநோய்ச் சிகிச்சையின் காரணமாக, தன்னுடைய குழந்தை பெறும் திறன் பாதிக்கப்படும் என்பதால், சாம் தனது விந்தணுவை முன்கூட்டியே உறைய வைத்துப் பாதுகாத்துள்ளார்.
ஆனால், சிகிச்சைகள் பலனளிக்காத நிலையில், 2022-ஆம் ஆண்டு ஏப்ரல் மாதம் அவர் உயிரிழந்தார். கணவரின் கனவை எப்படியாவது நிறைவேற்ற வேண்டும் என்ற உறுதியுடன் சார்லோட், IVF (செயற்கை கருத்தரித்தல்) முறையின் மூலம் கர்ப்பம் தரிக்க முயற்சி செய்தார். முதல் இரண்டு முயற்சிகள் தோல்வியடைந்தாலும், மூன்றாவது முயற்சியில் அவர் கர்ப்பம் தரித்தது உறுதி செய்யப்பட்டது.
இதுபற்றி சார்லோட் கூறும்போது, “சாம் இறந்த பிறகு நான் முதன்முறையாக மகிழ்ந்த தருணம் அதுதான்” என உருக்கத்துடன் தெரிவித்தார். கடந்த ஆண்டு, தனது வீட்டிலேயே குழந்தை பெற்றெடுத்தபோது, அறையில் சாமின் புகைப்படங்களை வைத்திருந்ததாகவும், அவர் அருகிலிருந்து தனக்குத் துணை நின்றது போல உணர்ந்ததாகவும் நெகிழ்ச்சியுடன் கூறினார்.
தற்போது சார்லோட் தனது மகன் எலியாவுடன் மகிழ்ச்சியாக வாழ்ந்து வருகிறார். மகனுக்காக சாமின் குரல் பதிவுகளையும், புகைப்படங்களையும் தொடர்ந்து பயன்படுத்தி, அவர் மீதான நினைவுகளைப் பசுமையாக்கி வருகிறார். “படத்தில அப்பாவைப் பார்த்தாலே ‘அப்பா’ன்னு சொல்றான், இதைப் பார்க்கும்போது எனக்குக் கண்ணீர் வரும்” என உருக்கமாகச் சொல்கிறார் சார்லோட்.
A heartwarming story about a 34-year-old British woman, Charlotte, has gone viral. She gave birth to her son, Elijah, two years after her husband, Sam, passed away. After Sam was diagnosed with cancer in 2022, he decided to freeze his sperm before treatment. Although Sam’s life could not be saved, Charlotte went through three rounds of IVF to fulfill their dream of having a child. She successfully conceived and gave birth to a boy, bringing immense joy into her life after her husband’s death. Charlotte cherishes Sam’s memory by showing his photos to their son and playing his voice recordings.
