இணையத்தில் ஒரே நாளில் டிரெண்டான திரைப்படப் பாடகர் சத்யன் மகாலிங்கம் தனது ரசிகர்களுக்கு நன்றி தெரிவித்துள்ளார்.
இணையத்தின் அபரிமிதமான வளர்ச்சி காரணமாக, பழைய நிகழ்வுகளும் அவ்வப்போது மீண்டும் டிரெண்டாகி வருவது வாடிக்கையாகிவிட்டது. அந்த வரிசையில் இப்போது ஒரு பாடல் இணைந்துள்ளது. தமிழர்களின் மனதில் நீங்கா இடம்பிடித்த, ‘காதலர் தினம்’ திரைப்படத்தில் இடம்பெற்ற ‘ரோஜா ரோஜா’ பாடல் இது.
சமீபத்தில், ஒரு இளைஞர் 26 வருடங்களுக்கு முன்பு ஒரு மேடை நிகழ்ச்சியில் இந்தப் பாடலை அப்படியே பாடிய பழைய வீடியோ இணையத்தில் திடீரென வைரலானது. ஒரே நாளில் இந்தப் பாடல் டிரெண்டானதால், அந்தப் பாடலைப் பாடியவர் யார் என ரசிகர்கள் தேடத் தொடங்கினர். அவர் திரைப்பட பின்னணிப் பாடகர் சத்யன் மகாலிங்கம் என்பது தெரியவந்தது. மேடைப் பாடகராகப் பல பாடல்களைப் பாடி வந்த சத்யன் மகாலிங்கத்தின் திறமை, அவருக்கு சினிமாவில் வாய்ப்புகளைப் பெற்றுத் தந்தது.
அதன்படி, அவர் ‘வசூல் ராஜா’ திரைப்படத்தில் “கலக்கப் போவது யாரு”, ‘கழுகு’ திரைப்படத்தில் “ஆம்பளைக்கும் பொம்பளைக்கும் அவசரம்”, ‘அறிந்தும் அறியாமலும்’ படத்தில் “சில் சில் மழையே”, ‘பாஸ் என்கிற பாஸ்கரன்’ படத்தில் “அட பாஸ் பாஸ்”, ‘துப்பாக்கி’ படத்தில் “குட்டி புலி கூட்டம்”, ‘நேபாளி’ படத்தில் “கனவிலே கனவிலே”, ‘மாற்றான்’ படத்தில் “தீயே தீயே”, ‘பானா காத்தாடி’ படத்தில் “குப்பத்து ராஜாக்கள்” போன்ற பல ஹிட் பாடல்களைப் பாடினார்.
சத்யன் பாடிய பாடல்கள் அனைத்தும் வெற்றி பெற்றாலும், அது பாடகர் சத்யன் மகாலிங்கத்திற்கு பெரிய அளவில் புகழைத் தேடித் தரவில்லை. இடையில் ‘விழித்திரு’ படத்தில் இசையமைப்பாளராகவும் பணியாற்றியிருந்தார். இந்தக் காலகட்டத்தில், கொரோனா பரவல் காரணமாக வாய்ப்புகளின்றி தவித்த சத்யன், பொருளாதாரத் தேவைக்காக ஒரு ஹோட்டலில் வேலைக்குச் சேர்ந்ததாகவும் கூறப்படுகிறது.
இப்படிப்பட்ட சூழ்நிலையில் தான், சத்யன் 26 ஆண்டுகளுக்கு முன் மேடையில் பாடிய ‘ரோஜா ரோஜா’ பாடல் தற்போது மீண்டும் வைரலாகி, அவரை மீண்டும் வெளிச்சத்திற்கு கொண்டு வந்துள்ளது. இந்த திடீர் பிரபலத்தைத் தொடர்ந்து சத்யன் தனது ரசிகர்களுக்கு நன்றி தெரிவித்து ஒரு வீடியோ வெளியிட்டுள்ளார். இதில் கூடுதல் சுவாரஸ்யம் என்னவென்றால், அன்று ‘ரோஜா ரோஜா’ பாடலை மேடையில் தன்னுடன் சேர்ந்து பாடிய பாடகி ஒருவரையே சத்யன் காதலித்து திருமணம் செய்துகொண்டார் என்பதுதான்.
A 26-year-old video of singer Sathyan Mahalingam performing the song “Roja Roja” from the movie “Kaadhalar Dhinam” has gone viral, bringing him back into the limelight. The sudden popularity of the video has prompted the singer to release a video expressing his gratitude to his fans. Despite singing many hit songs in films, Sathyan’s career faced challenges, reportedly leading him to take a job at a hotel during the pandemic. An interesting fact revealed in the viral trend is that he married the singer who performed the chorus with him in that very same video 26 years ago.
