மட்டக்களப்பில் நிதி நிறுவனம் ஒன்றின் முகாமையாளருக்கு 10 வருட கடூழிய சிறைத்தண்டனை: நேர்முக பரீட்சைக்கு சென்ற பெண்ணை பாலியல் துஷ்பிரயோகம் செய்த சம்பவத்தில் வெள்ளிக்கிழமை (12) தீர்ப்பு!
மட்டக்களப்பில் இயங்கி வந்த நிதி நிறுவனம் ஒன்றில் வேலைவாய்ப்புக்காக விண்ணப்பித்த ஒரு பெண், 2019 செப்டம்பர் 4 அன்று நேர்முகத் தேர்வுக்காக அழைக்கப்பட்டிருந்தார். நிறுவனத்திற்கு நேர்முகத் தேர்வுக்காகச் சென்ற அப்பெண்ணை, குறித்த நிதி நிறுவனத்தின் முகாமையாளர் அங்கிருந்து ஒரு வீட்டிற்கு அழைத்துச் சென்று பாலியல் துஷ்பிரயோகம் செய்ததாகக் கூறப்படுகிறது. பாதிக்கப்பட்ட அப்பெண் காவல் நிலையத்தில் முறைப்பாடு அளித்ததையடுத்து, நிதி நிறுவன முகாமையாளர் கைது செய்யப்பட்டார்.
இதனைத் தொடர்ந்து, அந்த முகாமையாளருக்கு எதிராக காவல்துறையினரால் வழக்குத் தொடரப்பட்டு, மட்டக்களப்பு மேல் நீதிமன்றத்தில் விசாரணை நடைபெற்றது. கடந்த வெள்ளிக்கிழமை (12) வழக்கு விசாரணைக்கு எடுத்துக்கொள்ளப்பட்டபோது, முகாமையாளருக்கு எதிராகச் சுமத்தப்பட்ட மூன்று குற்றச்சாட்டுகளும் சாட்சிகள் மற்றும் ஆதாரங்களின் அடிப்படையில் நிரூபிக்கப்பட்டு அவர் குற்றவாளியாகக் கண்டறியப்பட்டார்.
எனவே, குற்றவாளிக்கு ஒரு குற்றச்சாட்டிற்கு 5 இலட்சம் ரூபாய் வீதம், மூன்று குற்றச்சாட்டுகளுக்கும் சேர்த்து 15 இலட்சம் ரூபாயை பாதிக்கப்பட்ட பெண்ணுக்கு வழங்குமாறு நீதிபதி கட்டளையிட்டார். அந்தப் பணத்தைச் செலுத்தத் தவறினால் 2 வருட கடூழியச் சிறைத் தண்டனையையும், அத்துடன் 10 வருட கடூழியச் சிறைத் தண்டனை, 20 வருடங்களுக்கு ஒத்திவைக்கப்பட்ட சிறைத் தண்டனை மற்றும் 10 ஆயிரம் ரூபாய் தண்டப்பணம் ஆகியவற்றையும் செலுத்த வேண்டும் எனத் தீர்ப்பளித்தார்.
A financial manager in Batticaloa has been sentenced to 10 years of rigorous imprisonment by the Batticaloa High Court for sexually assaulting a woman who came for a job interview in 2019. The court also ordered the man to pay the victim 1.5 million rupees in compensation and a fine of 10,000 rupees.
