கனடாவில், துப்பாக்கிச் சூடு நடத்திய ஒரு தமிழ் இளைஞனை பொலிஸார் தீவிரமாகத் தேடி வருகின்றனர்.
ஒன்டாரியோவின் பிராட்போர்ட் பகுதியைச் சேர்ந்த 33 வயதான மகிபன் பேரின்பநாதன் என்ற இளைஞனே இவ்வாறு தேடப்படுகிறார்.
கடந்த மாதம் பிக்கரிங் நகரில் இடம்பெற்ற துப்பாக்கிச் சூட்டில் இருவர் காயமடைந்த சம்பவம் தொடர்பில், டர்ஹாம் பிராந்தியப் பொலிஸார் இவரைச் சந்தேக நபராக அடையாளம் கண்டுள்ளனர்.
கடந்த ஆகஸ்ட் மாதம் 16ஆம் திகதி அதிகாலை 1.10 மணியளவில், லிவர்பூல் மற்றும் கிங்ஸ்டன் வீதிகள் சந்திக்கும் பகுதியில் உள்ள வாகன நிறுத்துமிடம் ஒன்றில் துப்பாக்கிச் சூடு நடத்தப்பட்டுள்ளது. இதுகுறித்து உடனடியாகப் பொலிஸாருக்குத் தகவல் தெரிவிக்கப்பட்டது. சம்பவ இடத்திற்கு விரைந்து சென்ற அதிகாரிகள், துப்பாக்கிச் சூட்டில் காயமடைந்த இருவரைக் கண்டறிந்துள்ளனர். அவர்கள் உடனடியாக மருத்துவமனைக்குக் கொண்டு செல்லப்பட்டனர். எனினும், அவர்களின் நிலைமை குறித்து மேலதிக தகவல்கள் எதையும் அதிகாரிகள் வெளியிடவில்லை.
இந்தச் சம்பவம் தொடர்பாக நடத்தப்பட்ட விசாரணைகளின் அடிப்படையில், மகிபன் பேரின்பநாதன் என்பவரே தற்போது சந்தேக நபராகப் பொலிஸாரால் தேடப்படுகிறார்.
Canadian police are searching for a Tamil man in connection with a shooting that injured two people in Pickering, Ontario. The suspect, identified as 33-year-old Magiban Perinpanathan from Bradford, is wanted for a shooting that occurred at a parking lot on August 16. Two victims were found at the scene and taken to the hospital, but their condition remains unknown.
