யாழ்ப்பாணத்தில் நேற்று (26) இளைஞர் ஒருவர் நீரில் மூழ்கி உயிரிழந்துள்ளார்.
ஆனைக்கோட்டை – சாவல்கட்டு பகுதியைச் சேர்ந்த சிவரத்தினம் சந்தோஷ் (வயது 17) என்பவரே இவ்வாறு உயிரிழந்தார்.
இது குறித்து மேலும் தெரியவருவதாவது:
இந்த இளைஞர் நேற்று (26) அதிகாலை 3:30 மணியளவில் தனது சித்தப்பாவுடன் கடற்றொழிலுக்காக காக்கைதீவு கடற்பகுதி வழியாக மண்டைதீவு கடலுக்குச் சென்றார்.
அவர்கள் களங்கண்டி முறையில் மீன்பிடித்துக் கொண்டிருந்தபோது, இளைஞரைக் காணாததால், அவரது சித்தப்பா கடலில் தேடுதல் நடவடிக்கையில் ஈடுபட்டார். அப்போது, அந்த இளைஞர் களங்கண்டி தடியைப் பிடித்தபடி மயக்க நிலையில் இருப்பதைக் கண்டார்.
பின்னர், இளைஞரைப் படகில் ஏற்றி குருநகர் இறங்குதுறைக்கு கொண்டு சென்று, அங்கிருந்து யாழ்ப்பாணம் போதனா வைத்தியசாலைக்கு அழைத்துச் சென்றபோதிலும், சிறிது நேரத்தில் இளைஞர் உயிரிழந்தார்.
சடலம் மீதான மரண விசாரணைகளை திடீர் மரண விசாரணை அதிகாரி ஆ. ஜெயபாலசிங்கம் மேற்கொண்டார். மானிப்பாய் பொலிஸார் சாட்சிகளை ஒழுங்குபடுத்திய நிலையில், உடற்கூறு பரிசோதனைகளில் நீரில் மூழ்கியதால் மரணம் நிகழ்ந்தது உறுதியாகியுள்ளது.
________________________________________________________________________
A 17-year-old youth named Sivarathinam Santhosh from Aanaippottai, Savalkattu, drowned yesterday (26th) while fishing off the Mandaitheevu coast near Kaakaiththeevu with his uncle. While fishing using the Kalangandi method, the uncle found the youth unconscious, holding onto a fishing pole. Despite being rushed to Jaffna Teaching Hospital, the youth passed away. A post-mortem examination, following an inquiry by the sudden death investigation officer, confirmed that the death was due to drowning.
