அயன மண்டலங்களுக்கு இடையிலான ஒடுங்கும் வலயமானது தற்போது நாட்டின் வானிலையில் தாக்கம் செலுத்தி வருவதாக வளிமண்டலவியல் திணைக்களம் தெரிவித்துள்ளது.
இந்த ‘அயன மண்டலங்களுக்கு இடையிலான ஒடுங்கும் வலயம்’ காரணமாக, இன்று முதல் அடுத்து வரும் நாட்களில் நாட்டைச் சூழவுள்ள பகுதிகளில் வளிமண்டலத் தளம்பல் நிலைகள் விருத்தியடையக்கூடிய சாத்தியம் இருப்பதாக அந்தத் திணைக்களம் அறிவித்துள்ளது.
இதன் விளைவாக, நாட்டின் பெரும்பாலான பிரதேசங்களில் பிற்பகல் 1.00 மணிக்குப் பின்னர் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுவதாக வளிமண்டலவியல் திணைக்களம் எதிர்வு கூறியுள்ளது.
மேல், சப்ரகமுவ, மத்திய, ஊவா மற்றும் வடமேல் மாகாணங்களிலும் அத்துடன் அம்பாறை மாவட்டத்திலும் சில இடங்களில் 100 மி.மீ க்கும் அதிகமான பலத்த மழைவீழ்ச்சி எதிர்பார்க்கப்படுகின்றது.
மேலும், மேல், தெற்கு மற்றும் வடக்கு மாகாணங்களிலும் காலை வேளையிலும் மழை பெய்யும் என எதிர்பார்க்கப்படுகிறது.
மத்திய, சப்ரகமுவ மற்றும் ஊவா மாகாணங்களில் சில பகுதிகளில் காலை வேளையில் பனிமூட்டமான நிலை காணப்படும் என்றும் திணைக்களம் தெரிவித்துள்ளது.
இடியுடன் கூடிய மழை பெய்யும் வேளைகளில், தற்காலிகமாக அதிகரித்து வீசக் கூடிய பலத்த காற்று மற்றும் மின்னல் தாக்கங்களினால் ஏற்படக்கூடிய பாதிப்புகளைக் குறைத்துக்கொள்ளத் தேவையான முன்னெச்சரிக்கை நடவடிக்கைகளை எடுத்துக்கொள்ளுமாறு பொதுமக்கள் அறிவுறுத்தப்படுகின்றார்கள்.
The Department of Meteorology has announced that the Inter-Tropical Convergence Zone (ITCZ) is currently affecting the country’s weather, leading to the possibility of atmospheric instability developing in surrounding areas from today onwards. The forecast predicts rain or thundershowers in most areas after 1:00 PM, with heavy rainfall exceeding 100 mm expected in parts of the Western, Sabaragamuwa, Central, Uva, and North Western provinces, as well as the Ampara district. Morning rain is likely in the Western, Southern, and Northern provinces, while misty conditions are expected in the Central, Sabaragamuwa, and Uva provinces in the morning, and the public is advised to take precautions against strong winds and lightning.
