பிரித்தானியாவின் வேல்ஸில் உள்ள கார்டிஃப் பல்கலைக்கழகத்தின் ஆண்கள் கிரிக்கெட் சங்கம், மனித சித்திரவதைக் காரணமாக காலவரையின்றி இடைநீக்கம் செய்யப்பட்டுள்ளதாகத் தகவல் வெளியாகியுள்ளது. வேல்ஸில் அமைந்திருக்கும் கார்டிஃப் பல்கலைக்கழகத்தில் புதிய மாணவர்களுக்கு இந்தக் கொடூரம் அரங்கேறியுள்ளதாக செய்திகள் வெளிவந்திருக்கின்றன. இது ஒரு வகையான பகிடிவதை (Ragging) ஆகும்.
பல்கலைக்கழகத்தின் ஆண்கள் கிரிக்கெட் சங்கம், புதிய மாணவர்களின் தலைகளைக் கழிப்பறை கிண்ணங்களுக்குள் திணித்ததாகவும், அத்துடன் ஈரமான சாக்ஸ்கள் மற்ற மாணவர்களின் வாய்களில் வலுக்கட்டாயமாகத் திணிக்கப்பட்டதாகவும் குற்றச்சாட்டுகள் முன்வைக்கப்பட்டுள்ளன. இதுமட்டுமன்றி, மாணவர்களைப் பச்சை வெங்காயத்தைச் சாப்பிட வற்புறுத்தியதாகவும், பச்சை வெங்காயம் மற்றும் ஆல்கஹால் கலவையை குடிக்கக் கட்டாயப்படுத்தப்பட்டதாகவும் கூறப்படுகின்றது.
இந்தக் குற்றச்சாட்டுகளைப் பல்கலைக்கழக விளையாட்டு சங்கம் மறுத்துள்ளது. அது தொடர்பில் விசாரணைகளை மேற்கொள்வதாகவும் அறிவித்துள்ளது. அத்துடன், இந்த விடயம் தொடர்பாக எந்தவிதமான ஆதாரங்களும் இல்லை எனவும் சங்கம் தெரிவித்திருப்பதாகக் கூறப்படுகின்றது.
The Men’s Cricket Club at Cardiff University in Wales, UK, has been indefinitely suspended due to alleged acts of human cruelty and ragging against new students. Accusations include forcing new students’ heads into toilet bowls, stuffing wet socks into their mouths, and making them consume raw onions or a mixture of raw onion and alcohol. The University Sports Union has denied the allegations and stated that an investigation is underway, adding that there is no evidence to support the claims.
