கல்வித் துறையை டிஜிட்டல் மயமாக்கல் தொடர்பான கொள்கைத் திட்ட வரைபை 2026ஆம் ஆண்டு மார்ச் மாதம் அமைச்சரவையில் சமர்ப்பிக்க எதிர்பார்ப்பு.
பிரதமரும், கல்வி, உயர் கல்வி மற்றும் தொழிற் கல்வி அமைச்சருமான (கலாநிதி) ஹரினி அமரசூரிய தலைமையில் அண்மையில் பாராளுமன்றத்தில் கூடிய, கல்வி, உயர் கல்வி மற்றும் தொழிற் கல்வி அலுவல்கள் பற்றிய அமைச்சுசார் ஆலோசனைக் குழுவின் கல்வி மறுசீரமைப்புக் குறித்த உபகுழுவிடம், கல்வி மறுசீரமைப்புக்கான டிஜிட்டல் செயலணியின் அதிகாரிகள் இந்தத் தகவலைத் தெரிவித்தனர்.
அப்போது, செயலணியால் தயாரிக்கப்பட்ட பணித் திட்டத்தை முன்வைத்த அதிகாரிகள், கல்வி மறுசீரமைப்பிற்காக மேற்கொள்ளப்படும் ஆறு பிரிவுகளில் இந்த டிஜிட்டல் மயமாக்கலை முன்னெடுப்பது குறித்துக் கவனம் செலுத்தப்பட்டிருப்பதாகச் சுட்டிக்காட்டினர்.
இதன் மூலம், ஆசிரியர் பற்றாக்குறைக்குச் சாதகமான தீர்வு கிடைக்கும் என்று அவர்கள் எதிர்பார்ப்பதாகத் தெரிவித்தனர். அத்துடன், கல்விக்கான தகவல் தொடர்பாடல் உபகரணங்கள் மற்றும் வளங்களை வழங்குதல், பேரிடர் சூழ்நிலைகளில் பாடசாலைகளைத் தொடர்ந்தும் இயங்கச் செய்தல், மாணவர்களுக்கான சிறுவர் பராயத்தை டிஜிட்டல் மயமாக்கலின் மூலம் பெற்றுக்கொடுத்தல் போன்ற துறைகளிலும் கவனம் செலுத்தப்பட்டு, இந்த டிஜிட்டல் மயமாக்கல் செயல்முறையை முன்னெடுக்க எதிர்பார்க்கப்படுகிறது என்றும் அதிகாரிகள் தெரிவித்தனர்.
2025 டிசம்பர் 31ஆம் திகதிக்குள், இணையத்தள வசதிகள் இல்லாத பாடசாலைகளுக்கு இணையத்தள வசதிகள், டிஜிட்டல் ஸ்மார்ட் போர்ட் மற்றும் கணினி அல்லது மடிக்கணினி இல்லாத பாடசாலைகளுக்கு அவற்றைப் பெற்றுக் கொடுக்கவும் செயலணி திட்டமிட்டுள்ளது.
தற்போதுள்ள தகவல்களின்படி, நாட்டில் உள்ள 3 இரண்டாம் நிலைப் பாடசாலைகளுக்கு மின்சார வசதி இல்லை என்றும், 546 பாடசாலைகளில் கணினி, மடிக்கணினி அல்லது டப் கருவி எதுவும் இல்லை என்றும், 2088 பாடசாலைகளில் டிஜிட்டல் ஸ்மார்ட் போர்ட்கள் இல்லை என்றும் அதிகாரிகள் சுட்டிக்காட்டினர்.
இங்கு உரையாற்றிய பிரதமர், எதிர்காலத்துக்காக அதிக முதலீட்டில் மேற்கொள்ளப்படும் கல்வித் துறையின் இந்தக் குறிப்பிடத்தக்க மாற்றத்திற்கு அனைவரின் ஆதரவும் அவசியம் என்று வலியுறுத்தினார். எனவே, கல்வி மறுசீரமைப்பு தொடர்பாகப் பொருத்தமான யோசனைகள் மற்றும் பரிந்துரைகளை வழங்குமாறு அவர் டிஜிட்டல் செயலணியைக் கேட்டுக்கொண்டார்.
_______________________________________________________________
The Digital Task Force for Education Reform plans to submit its policy draft on the digital transformation of the education sector to the Cabinet by March 2026. This was announced during a meeting of the sub-committee on education reform, chaired by Prime Minister Dr. Harini Amarasuriya. The task force aims to address areas like the teacher shortage, disaster preparedness, and enhancing student learning through digitalization. They also plan to provide internet, digital smart boards, and computers/laptops to schools lacking these facilities by December 31, 2025, noting that many schools currently lack basic digital infrastructure and electricity. The Prime Minister called for full support and relevant suggestions for this significant change.
