மேல் மற்றும் சப்ரகமுவ மாகாணங்களிலும், காலி, மாத்தறை, கண்டி மற்றும் நுவரெலியா மாவட்டங்களிலும் இன்று (16) அடிக்கடி மழை பெய்யக்கூடும் என வளிமண்டலவியல் திணைக்களம் எதிர்வு கூறியுள்ளது.
வளிமண்டலவியல் திணைக்களம் வெளியிட்ட புதுப்பிக்கப்பட்ட வானிலை அறிக்கையில் இந்த விடயம் தெரிவிக்கப்பட்டுள்ளது. அதேநேரம், வடக்கு, வடமத்திய, கிழக்கு, ஊவா மற்றும் மத்திய மாகாணங்களில் மேகமூட்டமான வானிலை காணப்படும் என எதிர்பார்க்கப்படுகிறது. ஊவா மற்றும் கிழக்கு மாகாணங்களிலும், முல்லைத்தீவு மாவட்டத்திலும் பிற்பகல் 1.00 மணிக்குப் பிறகு பல இடங்களில் மழை அல்லது இடியுடன் கூடிய மழை பெய்வதற்கான வாய்ப்புகள் உள்ளன.
இடியுடன் கூடிய மழை பெய்யும்போது, அப்பகுதிகளில் தற்காலிகமாகப் பலத்த காற்று மற்றும் மின்னல் தாக்கங்களால் ஏற்படக்கூடிய பாதிப்புகளை குறைத்துக்கொள்வதற்குத் தேவையான முன்னெச்சரிக்கை நடவடிக்கைகளை எடுக்குமாறு பொதுமக்கள் கேட்டுக்கொள்ளப்படுகிறார்கள்.
இதேவேளை, கொழும்பிலிருந்து காலி, மாத்தறை வரையான கடற்பரப்புகளிலும், முல்லைத்தீவிலிருந்து திருகோணமலை, மட்டக்களப்பு, பொத்துவில் வரையான கடற்பரப்புகளிலும் சில இடங்களில் மழை பெய்வதற்கான சாத்தியக்கூறுகள் உள்ளன. நாட்டைச் சுற்றியுள்ள கடற்பரப்புகளில், தென்மேற்கு திசையிலிருந்து காற்று மணிக்கு 30-40 கிலோமீட்டர் வேகத்தில் வீசும் என எதிர்பார்க்கப்படுகிறது.
மாத்தறையிலிருந்து ஹம்பாந்தோட்டை, பொத்துவில் வரையான கடற்பரப்புகளில் காற்றின் வேகம் அவ்வப்போது மணிக்கு 50-55 கிலோமீட்டர் வரை அதிகரிக்கலாம். அதேபோல, சிலாபத்திலிருந்து புத்தளம், மன்னார் வரையான கடற்பரப்புகளில் காற்றின் வேகம் அவ்வப்போது மணிக்கு 45-50 கிலோமீட்டர் வரை அதிகரிக்கலாம். இந்த கடற்பரப்புகள் கொந்தளிப்பாக அல்லது ஓரளவு கொந்தளிப்பாகக் காணப்படும் எனவும் வளிமண்டலவியல் திணைக்களம் தெரிவித்துள்ளது.
The Department of Meteorology has forecasted frequent rainfall for the Western and Sabaragamuwa provinces and the districts of Galle, Matara, Kandy, and Nuwara Eliya today. Cloudy conditions are expected in the Northern, North Central, Eastern, Uva, and Central provinces. Rain or thunderstorms are also likely in the Uva and Eastern provinces and the Mullaitivu district after 1 PM. The public is advised to take precautions against strong winds and lightning. Coastal areas from Colombo to Matara and from Mullaitivu to Pottuvil may experience rain. Winds around the island will be from the southwest at 30-40 km/h, with gusts reaching 50-55 km/h in some areas. Seas are expected to be rough to moderately rough in different zones.
