தமிழர் பகுதியில் நடந்த கோர விபத்தில் பலர் படுகாயம்

மட்டக்களப்பு – வாழைச்சேனை பொலிஸ் பிரிவுக்குட்பட்ட வாகனேரி சந்தியில் நேற்றைய தினம் மாலை இடம்பெற்ற கோர விபத்தில் ஏழு பேர் காயமடைந்துள்ளனர்.

காயமடைந்தவர்கள் பொதுமக்களின் உதவியுடன் வாழைச்சேனை ஆதார வைத்தியசாலைக்குக் கொண்டு செல்லப்பட்டனர். பின், மேலதிக சிகிச்சைக்காக மட்டக்களப்பு போதனா வைத்தியசாலைக்கு மாற்றப்பட்டுள்ளனர்.

மேலதிக விசாரணை

சம்பவம் தொடர்பில் மேலும் தெரிய வருவதாவது:

கல்முனையிலிருந்து பொலன்னறுவை நோக்கிப் பயணித்த வேன் ஒன்றும், பொலன்னறுவையிலிருந்து கொங்கிறீட் கல் ஏற்றி வாழைச்சேனை பக்கம் நோக்கிப் பயணித்த டிப்பர் வாகனமும் நேருக்கு நேர் மோதியதில் குறித்த விபத்து இடம்பெற்றுள்ளது.

வேனில் பயணித்த அனைவருமே காயங்களுக்குள்ளான நிலையில் பொதுமக்களினால் வைத்தியசாலைக்குக் கொண்டு செல்லப்பட்டனர்.

இதில் காயம் அடைந்தோரில் இரண்டு ஆண்களும், ஐந்து பெண்களும் உள்ளடங்குகின்றனர். குறித்த சம்பவம் தொடர்பான மேலதிக விசாரணைகளை வாழைச்சேனை போக்குவரத்துப் பொலிசார் மேற்கொண்டு வருகின்றனர்.

Seven people were injured in a major accident that occurred yesterday evening at the Vakeneri Junction in the Valaichenai Police Division, Batticaloa. The injured were initially taken to the Valaichenai Base Hospital with the help of the public and were later transferred to the Batticaloa Teaching Hospital for further treatment. The accident involved a head-on collision between a van travelling from Kalmunai to Polonnaruwa and a tipper truck transporting concrete stones from Polonnaruwa towards Valaichenai. All those injured were van occupants, including two men and five women. Valaichenai Traffic Police are conducting further investigations.