பெண்களின் நிர்வாணப் படங்களை வைத்திருந்த காதலனை நண்பர்களுடன் சேர்ந்து அவரது காதலி கொலை செய்த சம்பவம் அதிர்ச்சியை ஏற்படுத்தியுள்ளது. இந்தச் சம்பவம் வடக்கு டெல்லியில் பதிவாகியுள்ளது.
வடக்கு டெல்லி திமார்பூர் பகுதியைச் சேர்ந்தவர் ராம்கேஷ் மீனா (வயது 32) என்பவர் அங்குள்ள ஓர் அடுக்குமாடிக் குடியிருப்பில் வசித்து வந்தார்.
பொலிஸார் விசாரணை
கடந்த அக்டோபர் 6ஆம் திகதி அடுக்குமாடிக் குடியிருப்பில் தீயில் கருகிய நிலையில் ராம்கேஷ் மீனா உயிரிழந்தார். அதனையடுத்து சடலத்தை மீட்டுப் பொலிஸார் விசாரணை நடத்தினர். அங்குள்ள அறையில் சோதனை செய்தபோது, அவரது ஹார்ட் டிஸ்க்கில் 15 பெண்களின் நிர்வாணப் படங்கள் இருந்தன.
இதனால் அதிர்ச்சியடைந்த பொலிஸார், ராம்கேஷ் மீனா தீ வைத்து எரித்துக் கொலை செய்யப்பட்டிருக்கலாம் என்ற கோணத்தில் விசாரணை நடத்தினர். அப்போது, இளம்பெண் ஒருவர் அங்கு வந்து சென்றதற்கான முக்கிய தடயம் ஒன்று பொலிஸாரிடம் சிக்கியது.
ராம்கேஷ் மீனாவுடன் அவரது காதலி அம்ரிதா சவுகான் ‘லிவ்-இன் பார்ட்னராக’ (Live-in Partner) வீட்டில் வசித்து வந்தது தெரிய வந்தது. இதனால் பொலிஸாருக்கு அவர் மீது சந்தேகம் ஏற்பட்டது. அவரைப் பிடித்து விசாரணை நடத்தினர்.
விசாரணையில், அம்ரிதா சவுகான், அவரது முன்னாள் காதலன் சுமித் காஷ்யப் மற்றும் அவரது நண்பர் சந்தீப்குமார் ஆகியோருடன் சேர்ந்து ராம்கேஷ் மீனாவைக் கொன்று, விபத்து போல் காட்ட தீவைத்ததாகக் கூறினார்.
மேலும், ராம்கேஷ் மீனா வைத்திருந்த ஹார்ட் டிஸ்க்கில் அம்ரிதா சவுகானின் நிர்வாணப் படங்களும் மேலும் சுமார் 15-க்கும் மேற்பட்ட பெண்களின் படங்களும் இருந்தது. அம்ரிதா சவுகான் அவளது படங்களை அழிக்க வற்புறுத்தியும் ராம்கேஷ் மீனா அழிக்காததால், அவனைக் கொன்றதாகக் கூறியுள்ளார்.
இது தொடர்பாக பொலிஸார் வழக்கு பதிவு செய்து 3 பேரையும் கைது செய்தனர். ராம்கேஷ் மீனா பெண்களின் நிர்வாணப் படங்களை ஹார்ட் டிஸ்க்கில் சேமித்து வைத்து அடிக்கடி பார்த்து ரசித்து வந்துள்ளார். இதுவே கொலைக்குக் காரணமாக இருந்துள்ளதாகப் பொலிஸார் தெரிவித்தனர்.
A shocking murder has been reported in North Delhi, where a woman, along with her friends, allegedly killed her partner for possessing her and other women’s nude photos. The victim, Ramkesh Meena (32), a resident of the Timarpur area, was found burned to death in his apartment on October 6th.
Police investigations revealed a hard drive in his room containing nude photos of 15 women. Suspecting murder, police followed a lead and identified his live-in partner, Amrita Chauhan. Upon questioning, Amrita confessed that she, along with her ex-boyfriend Sumit Kashyap and his friend Sandeep Kumar, murdered Ramkesh Meena and set his body on fire to make it look like an accident.
She admitted that Ramkesh Meena possessed her nude photos, along with those of over 15 other women, and refused to delete them despite her insistence, which became the motive for the murder. Police have registered a case and arrested all three individuals, concluding that the victim’s habit of collecting and enjoying these explicit images was the cause of his death.
