போக்குவரத்து, நெடுஞ்சாலைகள், துறைமுகங்கள் மற்றும் சிவில் விமான போக்குவரத்து அமைச்சு வெளியிட்டுள்ள அறிவிப்பின்படி, சாரதி அனுமதிப் பத்திரத்தைப் பெறுவதற்குத் தேவையான மருத்துவச் சான்றிதழ்களை இணையவழியில் வழங்குவதற்கு நடவடிக்கை எடுக்கப்பட்டுள்ளது. நுகேகொடையில் உள்ள தேசிய போக்குவரத்து மருத்துவ நிறுவனத்தால், அச்சிடப்பட்ட நகல் வடிவத்தில் மருத்துவச் சான்றிதழ்கள் வழங்கப்படுவதில் முறைகேடுகள் நடப்பதாகக் குற்றம் சாட்டப்பட்டுள்ளது. இதைத் தொடர்ந்து, இந்த புதிய நடைமுறை அறிமுகப்படுத்தப்படவிருப்பதாக துறைமுகங்கள் மற்றும் சிவில் விமான போக்குவரத்துப் பிரதி அமைச்சர் ஜனித ருவான் கொடித்துவக்கு தெரிவித்துள்ளார்.
சாரதி அனுமதிப் பத்திரம் காலாவதியானதும், அதைப் புதுப்பிப்பதற்காக மக்கள் வேரஹெரவிலுள்ள அலுவலகத்திற்குச் செல்ல வேண்டியுள்ளது. இது பொதுமக்களுக்குப் பெரும் சிரமத்தை ஏற்படுத்துகிறது. கைரேகை பதிவு செய்ய வேண்டியிருப்பதால்தான் வேரஹெராவிற்குச் செல்வது கட்டாயமாக உள்ளதாகப் பிரதி அமைச்சர் குறிப்பிட்டார்.
தற்போதைய நடைமுறையை ஒரு மாதத்திற்குள் மாற்றி, சாரதி அனுமதிப்பத்திரத்தைப் புதுப்பிக்க வேரஹெராவிற்குச் செல்லாமல் எளிதாகச் செய்யக்கூடிய ஒரு முறையை உருவாக்குவதற்கு நடவடிக்கை எடுக்கப்பட்டுள்ளது. ஆரம்பகட்ட பணிகள் ஏற்கனவே தொடங்கியுள்ளதாகவும், அடுத்த ஒரு மாதத்திற்குள் இந்த புதிய முறை நடைமுறைக்கு வரும் என்றும் பிரதி அமைச்சர் ஜனித ருவான் கொடித்துவக்கு மேலும் தெரிவித்துள்ளார்.
The Ministry of Transport has announced plans to issue online medical certificates for driving licenses to combat irregularities in the current system. This new initiative aims to streamline the license renewal process, which currently requires individuals to visit the office in Werahara, primarily for fingerprinting. According to Deputy Minister Janitha Ruwan Kodithuwakku, initial work has already begun, and the new system, which will eliminate the need to travel to Werahara for renewals, is expected to be implemented within one month.
