மேல் மற்றும் சப்ரகமுவ மாகாணங்களிலும் காலி, மாத்தறை, கண்டி மற்றும் நுவரெலியா மாவட்டங்களிலும் சிறிதளவில் மழை பெய்யும் என எதிர்பார்க்கப்படுவதாக வளிமண்டலவியல் திணைக்களம் எதிர்வு கூறியுள்ளது.
வளிமண்டலவியல் திணைக்களம் வெளியிட்டுள்ள அறிவிப்பின்படி, மேல் மற்றும் சப்ரகமுவ மாகாணங்களிலும், அதேபோல் காலி, மாத்தறை, கண்டி மற்றும் நுவரெலியா மாவட்டங்களிலும் இன்று சிறிதளவில் மழை பெய்யும் என எதிர்பார்க்கப்படுகிறது.
நாட்டின் ஏனைய பிரதேசங்களில் பெரும்பாலும் சீரான வானிலையே நிலவும் என்றும் திணைக்களம் கூறியுள்ளது.
மத்திய மலைநாட்டின் மேற்குச் சரிவுப் பகுதிகளிலும், வடக்கு, வடமத்திய, வடமேல், மத்திய மாகாணங்களிலும், மேலும் திருகோணமலை மற்றும் ஹம்பாந்தோட்டை மாவட்டங்களிலும் இடைக்கிடையே மணித்தியாலத்துக்கு 30-40 கிலோ மீற்றர் வேகத்தில் ஓரளவு பலத்த காற்று வீசக்கூடும் எனவும் எதிர்பார்க்கப்படுகிறது.
கடல் மற்றும் காற்று நிலவரம்
கொழும்பிலிருந்து காலி ஊடாக மாத்தறை வரையான கரையோரத்திற்கு அப்பாற்பட்ட கடற்பரப்புகளில் சில இடங்களில் மழை பெய்யும் என எதிர்பார்க்கப்படுகின்றது.
நாட்டைச் சுற்றியுள்ள கடற்பரப்புகளில் காற்று பொதுவாக தென்மேற்கு திசையிலிருந்து வீசும். காற்றின் வேகமானது மணித்தியாலத்துக்கு 30 முதல் 40 கிலோ மீற்றர் வரை காணப்படும் என எதிர்பார்க்கப்படுகிறது.
மாத்தறையிலிருந்து ஹம்பாந்தோட்டை ஊடாக பொத்துவில் வரையான கடற்பரப்புகளிலும், சிலாபத்திலிருந்து மன்னார் ஊடாக காங்கேசந்துறை வரையான கடற்பரப்புகளிலும் காற்றின் வேகம் மணித்தியாலத்துக்கு 50-55 கிலோ மீற்றர் வரை அவ்வப்போது அதிகரிக்கக்கூடிய சாத்தியம் காணப்படுகிறது.
அதேபோல, காங்கேசந்துறையிலிருந்து திருகோணமலை வரையான கடற்பரப்புகளிலும் காற்றின் வேகம் மணித்தியாலத்துக்கு 50 கிலோ மீற்றர் வரை அதிகரிக்கக்கூடும்.
இதன் காரணமாக, மாத்தறையிலிருந்து பொத்துவில் வரையான கடற்பரப்புகளும், சிலாபத்திலிருந்து காங்கேசந்துறை வரையான கடற்பரப்புகளும் அவ்வப்போது கொந்தளிப்பாகக் காணப்படும் என எதிர்பார்க்கப்படுகிறது. காங்கேசந்துறையிலிருந்து திருகோணமலை வரையான கடற்பரப்புகள் அவ்வப்போது ஓரளவு கொந்தளிப்பாகக் காணப்படும் எனவும் திணைக்களம் தெரிவித்துள்ளது.
The Department of Meteorology forecasts light rainfall in the Western and Sabaragamuwa provinces, as well as the Galle, Matara, Kandy, and Nuwara Eliya districts, with mainly fair weather expected elsewhere. Moderate to strong winds (30-40 km/h) are expected in the western slopes of the central hills and several provinces/districts. Furthermore, the sea areas from Matara to Pottuvil and Chilaw to Kankesanthurai are expected to be rough at times due to wind speeds increasing up to 50-55 km/h.