மஸ்கெலியா பெருந்தோட்ட நிறுவனத்தின் கட்டுப்பாட்டில் உள்ள நல்லதண்ணி, லக்சபான தோட்ட வாழமலை பிரிவில் இருக்கும் தேயிலைத் தொழிற்சாலை ஒன்றில் நேற்று நள்ளிரவில் திடீர் தீ விபத்து ஏற்பட்டது.
நவீன முறையில் 1968ஆம் ஆண்டில் கட்டப்பட்ட இந்தத் தேயிலைத் தொழிற்சாலையில், நள்ளிரவு சுமார் 12.15 மணியளவில் தீப்பற்றி எரிய ஆரம்பித்ததாக அத்தோட்ட மக்கள் தெரிவித்தனர்.
மீட்புப் பணிகளும் சேதங்களும்
தீயை அணைப்பதற்காக தோட்டத் தொழிலாளர்கள், பாதுகாப்பு அதிகாரிகள், நல்லதண்ணிப் பொலிஸார், அதிரடிப் படையினர் எனப் பலரும் முன்வந்தபோதும், தீயைக் கட்டுப்படுத்த முடியவில்லை எனவும், தீ கொழுந்து விட்டு எரிய ஆரம்பித்ததாகவும் தொழிலாளர்கள் தெரிவித்தனர். எனினும், அந்தத் தீ ஏனைய கட்டிடப் பகுதிகளுக்குப் பரவாமல் கட்டுப்படுத்தப்பட்டது.
தேயிலைத் தூள் உற்பத்திப் பிரிவில் ஏற்பட்ட இந்தத் தீ, தேயிலை இலைகள் சேமித்து வைக்கப்பட்டிருந்த அறைக்கும் பரவியுள்ளது. இதில் பொட்டலம் கட்டப்பட்ட தேயிலைத் தூளும் பெருமளவில் எரிந்து நாசமானதாகத் தெரிவிக்கப்படுகிறது.
மேலதிக விசாரணை
தீ விபத்து காரணமாக அப்பகுதியில் மின்சாரம் துண்டிக்கப்பட்டுள்ளது. தீ விபத்துக்கான சரியான காரணம் இன்னும் வெளியாகவில்லை. இருப்பினும், தோட்ட நிர்வாகம் திட்டமிட்டே தீயை மூட்டியதாகப் பொதுமக்கள் குற்றம் சாட்டியுள்ளனர்.
இது தொடர்பாக நல்லதண்ணிப் பொலிஸார் மேலதிக விசாரணைகளை மேற்கொண்டு வருகின்றனர்.
A major fire broke out at a tea factory in the Walmalai division of the Laxapana Estate, Nallathanni, under the control of the Maskeliya Plantations company, around 12:15 AM last night. The fire, which started in the tea dust production unit and spread to the leaf storage area, caused significant damage to packed tea dust. Despite efforts by estate workers, police, and Special Task Force personnel, the fire raged on. The cause of the fire is unknown, but residents are alleging that the estate management deliberately set the factory ablaze. The Nallathanni Police are conducting further investigations.
